Search
Close this search box.
Datuk Mohd Razi Sitam (lima ari kanan) enggau Kaban Parlimen Betong, Dr Richard Rapu (empat ari kanan) maya nyuaka Ang Pau ngagai raban orang tuai mungkur raban Tiong Hua ba Program ‘Sejambak Kasih’ Taun Baru China 2024 diatur ba Debak, kemari. - Foto TVS

Program Sejambak Kasih di Sarawak nerima puji nengeri bukai

BETONG, 8 Feb: Program ‘Sejambak Kasih’ ke diatur Opis Menteri Pemansang Indu, Anak Mit enggau Pengelantang Komuni ninting taun di Sarawak nerima puji ari nengeri bukai.

Sapit Menteri Pemansang Indu, Anak Mit enggau Pengelantang Komuniti Sarawak, Datuk Mohd Razi Sitam madah, diatu Sarawak aja nengeri ke bisi ngatur program baka nya dikena meri bantu ngagai raban orang kurang pemisi ba Sarawak.

“Kita ulih meresa nyema program baka tu bisi diatur ba nengeri bukai lebih agi di Semenanjung.

“Enti bisi reti nya sida nunda kitai ba Sarawak ditu,” ku iya.

Nangkan ke nya, Kaban Parlimen Betong, Dr Richard Rapu mega ngarapka pemeri nya ulih meri pengaga ngagai semua penerima nyerumba Pengerami Taun Baru China 2024.

“Program baka tu diatur dikena ngelempungka tating belanja enggau meri pengaga ngagai raban penerima.

“Kebuah pia laban maya musin pengerami baka tu kitai deka semua orang gaga ati enggau ulih berami,” ku iya. – TVS.

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan