Search
Close this search box.
Datuk Mohd Razi (tengah) begambar kenang enggau raban staf Klinik PengeraiDebak pengudah ngabas taba projek begunan baru ba klinik nya. Bela bisi dipeda Dr Norhaizan (lima ari kanan), Abang Mohamed (tujuh ari kiba) enggau ke bukai.-Foto:TVS

Agih RM9 juta dikena ngaga tiga begunan ba Klinik Pengerai Debak

DEBAK, 14 Feb: Urung RM9 juta udah diagih dikena ngaga enggau ngemanah tiga begunan baru ba Klinik Pengerai Debak.

Sapit Menteri Pemansang Indu, Anak Mit enggau Pengelantang Komuniti Sarawak Datuk Mohd Razi Sitam madah, agih belanja dibaruh Ejensi Pemansang Bagi Menua Betong (BDDA) nya dikena ngaga baru begunan Klinik Pengerai Indai enggau Anak, Klinik Ngeli enggau ngemanah Palan Hemodialisis.

“Asil randau enggau raban Opis Pengerai Nengeri kitai merambu sekeda komponen ngambika dikemanah ditu.

“Tu mungkur ngemanah begunan MCS Klinik Pengerai Indai enggau Anak enggau mega perambu perengkaguna ungkup Klinik Ngeli enggau mega nangkir palan begunan Hemodialisi.

“Projek tu digaga endang bepelasarka guna tauka peminta (mensia mayuh) ke bisi ba sitak tu,” ku iya.

Iya madah munyi nya maya dirandau media pengudah Pejalai Ngabas Projek Klinik Pengerai Debak ditu pagi tadi.

Ku terang iya, nengah penembu projek nya ila dikeandal ulih ngurangka kes pesakit dianjung berubat jauh ngagai sepital bukai baka ke Sarikei tauka Sri Aman.

Kitai bela nemu mayuh kes bekaul enggau klinik ditu iya nya Klinik Pengerai Pusa, Klinik Pengerai Debak nyau dianjung berubat ngagai Betong, Sarikei tauka Sri Aman.

“Nyadi kitai merambu laban rayat ditu mayuh enggau peminta pan bisi nya alai beguna amat perengkaguna tu dikemanah ukai semina ari sukut kereban tang mega ari sukut begunan patut digaga menyana agi laban begunan ke udah bisi diatu digaga ba taun 1979 lalu enda kala dikemanah,” ku iya.

Berebak enggau nya, Razi ngarapka projek nya bejalai enggau lanchar nengah sukung ari Opis Menteri Pengerai Malaysia (KPM) ke pemaik rayat mayuh ke diau di Debak dudi hari.-TVS

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan