MARUDI, 19 April: Raban Serakup Indu Dayak Sarawak (SIDS) Marudi terus chakah ngangkatka seni krafjari komuniti Iban nengah chara bedaja enggau ngelakuka produk nya.
Nampung berita Unit Komunikasi Awam Sarawak (UKAS), Chairperson SIDS Pampang Marudi Kaunselor Yanti Nyanggau madahka, seni krafjari Iban mesti dibasa enggau dikerembai ngambika seruran ngembuan rega komersial ti tau meri asil penatai pemisi ngagai orang indu.
“Kelimpah ati ngagai krafjari ti tau meri penguntung ari aspek ekonomi, orang indu ba rumah panjai ulih nguna pengawa nya maya lepa,” ku iya.
Iya madahka, nengah woksyop krafjari nya mega SIDS ulih meransang raban nembiak ngambika nerenak pengerindu ngaul diri ngaga krafjari asal seraya mantu ngetanka pesaka asal perayat rumah panjai tebal agi Iban.
Iya mansutka jaku nya rambau Woksyop Ngaga Marik Empang Moden enggau Beranyam Sidan ba Rumah Tanjung Stapang B empai lama.
Bisi 25 iku penyereta ngambi bagi ba dalam woksyop ke diatur pengelama sehari.
Sebedau tu Yanti kala nerangka, aktviti ti diatur SIDS Marudi ninting taun nya endnag manah amat dikena negutka kaul entara kaban SIDS enggau perayat rumah panjai.
“Program nya mega nyadi medium alai bala penyereta bekunsika penemu enggau pengelandik diri ba pengawa ngaga krafjari,” tandu iya.-TVS
