Search
Close this search box.
Datuk Mohd Razi nerima bungai ari komiti pengatur seninjik datai ba palan Pengerami Ramah Tamah Aidilfitri enggau Mantar Gawai Dayak 2024 diatur Kelab Pengelantang Pendiau KMKK Saribas, empai lama.-Foto:TVS

POSKOM ulih meri empas manah ngagai mensia mayuh

DEBAK, 5 April: Program Outreach Ngabas Komuniti (POSKOM) dikeandal ulih meri empas ke manah ngagai mensia mayuh, opis perintah ari sukut pemadah enggau servis nengah chara betimpai mua.

Kaban Kunsil Nengeri (ADUN) Saribas Datuk Mohd Razi Sitam madah, POSKOM mega nyadi pelasar pemadu manah dikena ngenataika penerang pemadu baru bekaul enggau servis Opis Pengintu Pengelantang Raban Bansa kelimpah terus ngagai raban ke diselinting.

“Program tu iya nya hari begulai enggau mensia mayuh ke ngaul bala tuai raban bansa nyengkaum KMKK enggau ejensi-ejensi perintah.

“Tuju program tu endang dikena meri peluang ngagai mensia mayuh ngulihka penerang sechara terus.

“Udah nya, POSKOM mega bisi nyendiaka peluang ngagai mensia mayuh ngenataika tanya, peminta bekaul enggau servis opis perintah,” ku iya.

Razi ke mega Sapit Menteri Pemansang Indu, Anak Mit enggau Pengelantang Komuniti Sarawak madah munyi nya maya Pengerami Ramah Tamah Aidilfitri enggau Mantar Gawai Dayak 2024 diatur Kelab Pengelantang Pendiau KMKK Saribas, empai lama.

Sama bisi ngulu pengerami nya Kaban Parlimen Betong Dr Richard Rapu enggau bala pemesai ke bukai.

Berebak enggau nya, Razi mega ngelalau mensia mayuh bela sampal datai ngulu Program Karnival Wellbest 2024 ti deka diatur ba Pelaman Sibu Faza Dua kena 24 nyentuk 26 Mei tu.

Mayuh program deka diatur sepanjai program dua hari berunggu nya baka Fun Run, Karnival Bejual, Licha Dagang, Pekit Dekorasyen, Pekit Kumang Keling enggau ke bukai.-TVS

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan