Search
Close this search box.
Kaban Diwan Negara Senator Pele Peter Tinggom. -Foto:TVS

Bukti pengeransing Sarawak nagih autonomi ba bidang pelajar – Senator Pele

SARATOK, 12 June : Atur bejalaika sistem peresa baru ungkup nembiak Primari Enam enggau Pom Tiga nyema iya mujur dipejalaika deka nyadi siti bukti pengeransing Sarawak dalam mulaika baru autonomi pelajar ungkup wilayah tu.

Kaban Diwan Negara Senator Pele Peter Tinggom madah, sistem nya deka ulih nentuka sistem pelajar ba Sarawak terus nemban enggau ngasi baka ke udah dipekat dalam Pelin Strategi Pemansang Pasca Covid 2030 (PCDS2030).

“Tu mandangka pengeransing Yang Amat Berhormat Premier Sarawak Datuk Patinggi Tan Sri Abang Johari Tun Openg dibaruh MA63 iya nya mulaika baru autonomi pelajar.

“Semua tu endang ungkup anak Sarawak sereta mandangka kerejasama ke chukup manah antara Menteri Besai Datuk Seri Anwar Ibrahim enggau Premier Sarawak.

“Nya alai, nengah pemisi sistem peresa ke baru tu ila deka nentuka sistem ba Sarawak mengkang nemban sereta ngasi senutuk enggau polisi pemansang dibaruh PCDS2030 ulih dikemujur,” ku iya.

Pele mansutka penemu nya lebih dipinta meri timbal bekaul enggau penerang dipansutka Direktor Opis Pelajar Sarawak Datu Dr Azhar Ahmad pengudah tembu Aum Kedua Komiti Pengatur Pesta Saratok ditu, kemari.

Taja pia, ku iya randau antara raban profesional bekaul enggau polisi nya patut diteruska ngambika pekara nya ulih diputuska manggai taun 2026.

Sebeday tu, Datu Dr Azhar nengah siti pengawa di Kuching madahka Sarawak deka mantaika sistem peresa ke baru ungkup nembiak Primari Enam enggau Pom Tiga di wilayah tu.

Sistem peresa nya naka tu agi ba renggat perambu enggau dipelaba deka diputuska dalam kandang dua taun tu.-TVS

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan