KABONG, 30 Julai: Penanggul bekal ai enggau karan ke suah nyadi ba pelilih Kabong udah tu deka diberi perati serius nengah Opis Menteri Utiliti enggau Telekomunikasyen.
Sapit Menteri Utiliti enggau Telekomunikasyen Sarawak Datuk Dr Abdul Rahman Junaidi, madah diri deka ngatur pejalai sekali agi ke Kabong nerangka pasal atur pemadu baru dikena mutarka penanggul nya begulai enggau Opis Bekal Ai Menua Pesisir (JBALB) sereta Sarawak Energy Berhad (SESCO).
“Pekara nya endang dalam perati kami lalu suah dipadah ngagai pegawai kami ba JBALB ke nyaga menua Kabong sereta mega Sarawak Energy.
“Nya alai, aku deka mai raban ari Opis Menteri iya nya JBALB enggau mega SESCO baum sama lalu nerang atur ke patut digaga dikena mutarka penanggul bekal ai enggau karan ditu,” ku iya.
Iya mansutka penemu nya maya Penemuai Ngabas Taba Ngaga Masjid Baru Pelilih Kabong ditu, kemari.
Ku iya, pegawai ari ejensi bekaul baka JBALB enggau SESCO Betong dipinta seruran matau penanggul nya sepanjai maya.
Ke penerang, isu penanggul bekal karan ke suah nyadi ba pelilih Kabong chukup suah sampai meniga kali dalam seminggu.
Berebak enggau nya, penanggul bekal ai paip mega nyadi nyau deka ninting hari ba pelilih Kabong lebih agi lepas pukul 10 malam.-TVS
