KUCHING, 11 Ogos: Pekit Lumba Malaysia (SUKMA XXI) ke-21 Sarawak 2024 iya nya kelang dikena ngansah enggau ngadaka bakat atlit biak dalam bidang lumba.
Menteri Nembiak, Lumba enggau Pemansang Orang Dagang Sarawak, Dato Sri Abdul Karim Rahman Hamzah madahka, nengah SUKMA tu, kitai ulih ngadaka atlit biak ngambika ulih mai nama Malaysia ngagai tikas dunya baka Lumba Olimpik.
“Atur kelang dikena ngadaka atlit tu. Siti ari kelang dikena kitai ngadaka atlit iya nya SUKMA.
“Atur ngambika altit tu ulih diansah nyadi champion ba renggat ke lebih tinggi ag. Kitai enggai nyadi ‘jaguh kampung’ ti patut menang ba renggat menua aja tang patut ngatur ngambika Malaysia bulih nama ba tikas dunya dalam sebarang bagi achara lumba,” ku iya.
Iya mansutka jaku nya rambau dirandau pemberita pengudah bejadika Palan Besai Media SUKMA 2024 di Stadium Sarawak, ditu kemari.
Sama bisi datai iya nya, Sapit Menteri Nembiak, Lumba enggau Pemansang Orang Dagang Sarawak, Datuk Dr Ripin Lamat, Sapit Menteri ba Opis Premier (Pekara Korporat, Pemadah Enggau UKAS) Datuk Abdullah Saidol , Tuai Pegawai Eksekutif SUKMA 2024, Datu Hii Chang Kee enggau Sekretari Mendam Opis Menteri Nembiak, Lumba Enggau Pemansang Orang Dagang Sarawak, Tuan Morshidi Fredrick.-TVS
