JAKARTA, 25 Ogos: Bah tunggal ke nyadi bekau ari ujan bangat tumu pagi hari minggu udah ngujungka 11 iku bebadi nyawa ba penusah ke nyadi ba Pelilih Rua, Ternate, Maluku Utara.
Nitihka ripot media lokal, bah ke nyadi urung pukul 3.30 pagi ba Jakarta nya ngujungka mayuh keresa rusak nyengkaum sekeda begunan runtuh.
Tuai Operasyen Ejensi Nyidi enggau Penyah Penusah Nasional (Basarnas) Ternate, Bram Madya Temara madah, bisi 10 iku tudah sida ke udah ditemu udah nadai lalu pengawa ngiga siku agi benung dipejalaika.
Ku iya, tiga iku sida ke bakal udah dibai ngagai Sepital Chasan Boesoirie di Ternate, udah nya siku agi dianjung ngagai Sepital Soldadu.
Siku peranak lokal, Samsudin Senen madah, penusah bah ke nyadi ketegal ujan bangat maya malam sebedau nya bela ngujungka uchu iya midang.
Asil tinjau pemberita madahka urung 30 buah rumah ba sitak nya balat rusak sereta sekeda bisi rusak mimit.
Jentera berat ke dianjung ungkup pengawa mantu enggau nyidi disukung raban soldadu, polis, ejensi pengatur soldadu, polis, ejensi pengatur ungkupenusah wilayah, volunteer enggau rayat lokal.-TVS
