CONGO, 26 Ogos: Urung 21 kes baru Monkeypox tauka tampuk buah (Mpox) udah diripotka ba Republik Demokratik Congo.
Menteri Pengerai Congo, Gilbert Mokoki madahka, menua Afrika Tengah ngerikodka 158 kes kenyau ari pun taun tu tadi seraya 21 kes udah ditemu.
Nitihka penerang iya, dua kes pemadu baru diripotka kena Hari Empat tu tadi.
Taja pia, Mokoki madahka pengelekai penyakit nya enda entu ngirauka ati di  republik nya, tang iya mega ngelalau mensia mayuh ngambika suah nuchi jari nyadi sebagi ari atur nagang.
Kes penyakit berampit ti dikumbai Monkey Pox majak nambah ba timur enggau tengah Afrika lalu iya mega udah ditemu ba Asia enggau Eropah, enggau Gerempung Pengerai Dunya (WHO) udah meri gazet penyakit nya nyadi penusah emejensi entarabansa.
Igi penyakit nya udah diripotka ba lima ari 15 pelilih menua Republik Demokratik Congo, ti ngaul kandang endur kampung di sangha sereta likouala di utara entara kandang endur ke pemadu balat kena rampit.
Kelimpah ari nya, varian baru MPOX udah ngerekai ngagai menua sepiak congo ti nabanka nyawa lebih 570 iku orang naka ke diatu.-TVS
