KUCHING : Pengawa nyeruri tikas Jalai Batu Kawah ti ngaul dua lokasyen udah ba pun dipejalaika maya 19 Oktober, hari satu sereta disadang tembu maya 30 Oktober tu.
Ngambi ripot ari Unit Komunikasi Awam Sarawak (UKAS), pengawa nyeruri nya dipejalaika urung pukul 8.00 malam nyentuk 6.00 pagi ba timpuh nya.
Opis Kereja Raya (JKR) Pelilih Kuching ba dalam siti surat berita minta mensia mayuh ke nengah jalai alun awakka bejejaga lebuh deriba sereta nitihka atur trafik di lokasyen nya sepemanjai timpuh nyeruri benung dipejalaika.
Kelimpah ari nya, mensia mayuh mega diperansang nguna jalai alternatif ti patut, nyentuk kereja nyeruri nya udah tembu.
