KUALA LUMPUR: Pengawa nutup sekula di Perlis, Pahang, Kelantan enggau Sarawak ketegal pandemik COVID-19 mungkur 1.09 juta iku nembiak
Ngambi ripot ari Berita Harian, atur nutup sekula tu ngaul penyampau 99,491 iku pengajar enggau 20,432 iku pengereja pengawa.
Menteri Kanan (Menteri Pelajar) Dr Radzi Jidin, madahka pengawa nutup sekula ketegal pandemik COVID-19 dipejalaika berindik ari analisis data kes positif, kontak semak enggau kuarantin ba bala nembiak, pengajar sereta pengereja pengawa sekula ti majak nambah maya gelumbang ketiga tu.
Ku iya, data Opis Menteri beratika penatai nembiak sekula ke sekula deka meri penanggul enti sema kes positif di sekeda kandang menua, tajapan bepalan ba negeri ti nadai ngerikodka kes COVID-19 ti tinggi.
Nangkanka nya, ku iya, nembiak ti enda datai ke sekula meri pengirau ngagai bala apai indai ba sukut pengelikun anak sida enti sema nurun ke sekula.
Tu iya nya penyampau signifikan dikena mantu Opis Menteri Pengerai (KKM) enggau pekereja rintai mua dikena nagang pengerekai COVID-19.
Kelimpah ari nya, Opis Menteri bepenemu juluk dalam nagang pengerekai igi penyakit tu endang beguna amat kena nentuka sesi sekula 2021 ulih dibuka baru ba gaya ke likun nitihka hari bulan ti ditetapka.
