KUALA LUMPUR: Opis Menteri Komuniskasyen Enggau Multimedia (KKMM) benung chakah ngenegapka inisiatif komunikasyen COVID-19 enggau beratka ngagai kualiti sereta empas pemanah inisiatif tu dipejalaika.
Ngambi ripot ari Berita Harian, Menteri Saifuddin Abdullah, madahka inisiatif tu nyengkaum bekunsika data Opis Menteri Pengerai (KKM) berindik ari pengelekai ti enda ulih ditagang sereta bejalaika pengawa matau dikena nentuka profil enggau pemar ditapi serak genap komuniti ti dituntung penusah ketegal pandemic tu.
Nangkan ka nya, KKMM mega deka mansik kebuah bisi isu nyadi baka lelak tauka napi penanggul, nyau rindang bemusin, enda nitih tauka ngasika atur prosedur operasyen standard (SOP), saru penemu sentang mesti betapi pengidup enggau COVID-19, defisit perchaya sereta ‘penerang pelesu’ sereta chara mutarka nya.
“(Inisiatif ke bukai) Ngemayuhka agi pengawa nyadung bup ‘Ngemeranka Norma Baru dalam Komuniti kena Nagang Pengelekai COVID-19’ ngena ‘e-book’ sereta ngerembaika nya ba media rama,” ku iya.
Saifuddin madahka, pemujur inisiatif komunikasyen ti udah dipejalaika naka ke diatu bejalai enggau manah, tang mesti disikap enggau perambu sereta dipejalaika enggau lebih sistematik, kemari.
Kelimpah ari nya, defisit perchaya ngagai ejensi nagang COVID-19 entara pemar ti ditapi dalam ngemujurka inisiatif komunikasyen ngujungka sekeda komuniti enda ngasika SOP enggau gerah ari perintah.
