MEF Begunaka Timpuh Ngasika Akta Pengawa Berumah Pekereja
Kuala Lumpur: Gerempung Pengaji Malaysia (MEF) minta timpuh ke panjai agi dalam ngasika akta standard minimum pengawa berumah enggau perengkaguna pekereja (Ubah) 2019 (Akta 446) ti diteritka opis menteri pengereja pengawa, sehari tu.
Ngambi ripot ari Berita Harian, Datuk Dr Syed Hussain Syed Husman,madahka perintah, perintah patut nemu gaya ke diatu enggau enda ngukum pengaji laban enda nitihka akta nya.
“Dalam ngasika akta nya, pengaji mesti nitihka pekara ba sukut endur palan enggau minimum penebal tilam. Ambika chunto, pemesai endur 1,500 kaki persegi semina ulih nangkup maksimum enam iku pekereja menua luar enggau kitai nemu mayuh rayat Malaysia diau ba endur k emit ari tu.”
Kelimpah ari nya, pengaji ti enda ulih nitihka akta tu deka ditinggang ukum penyampau RM50, 000 ngagai tetiap pengereja peranak menua luar.
Nangkan ka nya, mayuh pengaji ti bepanggai ngagai program subsidi gaji enggau bantu bukai ari perintah ngidupka diri maya pandemik tu.
Nangkanka nya, iya madahka sekumbang napi COVID-19 nyentuk bulan September taun tu, lebih 30, 000 dagang ditutup engggau majoriti enda ulih beoperasyen baka selama sepengudah ekonomi dibuka enggau bererenggat maya Jun nyin tadi.
Iya madahka, 100, 000 iku pengereja pengawa bulih pemaik ba baruh Sistem Insurans Pekerjaan (SIP).
