Search
Close this search box.

Terus Chakah Meri Bantu Pemakai

BySteward Dawi

Pakan, 20 Jun – Bisi 10 buah rumah panjai di pelilih Pakan ke benung ba baruh atur mindah betagang tauka ‘lockdown’ nerima bantu pemakai ari sebuah serikat dagang iya nya AJ Trully Spices Enterprise.

Naka dua hari ke udah, 206 bungkus pemakai udah diberi ngagai peranak ke diau ba 10 rumah panjai nya.

Ku pengempu aj trully spices enterprise, tedong chakaw madah, entara bantu pemakai ke diberi nya baka  beras, ensabi, daun ubi, changkuk manis, tubu, enggau daun rampu.

Semua sayur babas nya tadi dibeli ari peranak pakan lalu tu ulih mantu nambahka asil penatai pemisi orang ke nyual sayur babas.

Tebal agi, sida ke bisi penanggul kurang belanja ketegal atur nagang pemindah (PKP).

“Ba masa ke sama kami ulih mantu nyungkak asil penatai pemisi rayat di pelilih Pakan ditu, beli kami ba orang ba Pakan ditu lalu diberi ngagai orang ba Pakan ditu.

“Tu sebagi ari chara ke ulih dikena kami mulaika pemanah ekonomi, nulung orang ke tusah ketegal pengekai igi penyakit COVID-19 serak tu.” ku iya madah lebuh dirandau pengarang berita maya hari enam.

Kelimpah ari nya, Tedong madahka pengawa meri bantu nya deka diteruskan dikena nulung orang ke dituntung penusah seraya ngelempungka tating belanja sida ke patut nerima bantu nya.

Tu kedua kali AJ Trully Spices Enterprise udah meri bantu sayur babas iya nya sebagi ari barang bantu pemakai ke diberi.

Sebedau tu sida udah nyadung bekal pemakai ke sama di Sungai Plan, Bintulu.

Pengawa meri bantu pemakai tu tanggungpengawa sosial korporat (CSR) serikat AJ Trully Spices Enterprise.

Tags: #ib

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS