KUCHING, 21 JUN: Sarawak kena Hari Satu ngerikodka dua kes pemati baru dalam timpuh 24 jam.
Tu nyadika penyampau kes pemati nambah ngagai 382 iku di Sarawak.
Nangkanka nya, Sarawak ngerikodka 682 kes baru positif Covid-19.
Entara pelilih menua ti ngerikodka kes iya nya Kapit (121), Kuching (83), Sibu (75), Bintulu (69), Telang Usan (68), Tanjung Manis (48), Tatau (36), Miri (28), Sarikei (27), Bau (24), Sri Aman (23), Mukah (19), Kanowit (17), Subis (11), Meradong (7), Pakan (6), Bukit Mabong (6), Song (3), Limbang (2), Beluru (2), Julau, Tebedu, Lundu, Serian, Saratok, Sebauh, enggau Lawas bela (1).
Tu nyadika penyampau semua kes di Sarawak nambah ngagai 60,482 kes.
Bisi 49,563 iku tauka 81.95 peratus kes udah gerai sereta dikemendarka pansut ari sepital di Sarawak naka ke diatu.
Kelimpah ari nya, Sarawak ngerikodka tiga agi kluster baru iya nya Kluster Quadruplex Lapan Enam Miri, Kluster Kevok Telang Usan enggau Kluster Jalai Baru Tatau Bintulu, Tatau.Â
