KUCHING, 15 April: Kaban Kunsil Nengeri (ADUN) Krian Friday Belik madah diri deka mantaika tujuh iti tanya nuju Opis Menteri bekaul ba Aum Kunsil Nengeri (DUN) Sarawak ti deka diatur bulan Mei tu ila.
Ku iya, tebal agi tanya ke deka dibantai nya numpu ngagai perengkaguna pemun enggau infrastruktur nyengkaum bekal ai, karan engau pemansang rama di DUN Krian.
“Baka selama isu-isu ke deka dibantai iya nya ngaul pekara infrastruktur, rama enggau perengkaguna pemun baka ai, karan enggau pengerai.
“Abis nadai tujuh iti tanya iya nya isu-isu ke ngaul rayat ba sitak aku (Krian),” ku iya.
Friday madah munyi nya maya ngulu Pengerami Ramah Tamah Aidilfitri 2024 di begunan Kunsil Nengeri (DUN) Sarawak, kemari.
Aum DUN Sarawak Ke-20 deka diatur berengkah 6 nyentuk 15 Mei tu.-TVS
