Search
Close this search box.

Serata Sarawak Disikap Bekal Karan Ba Taun 2025

BySteward Dawi

Kuching, 11 Jun – Perintah Sarawak nengah Opis Menteri Utiliti enggau Sarawak Energy nagit deka di serata Sarawak disikap bekal kuasa karan ke penuh manggai taun 2025.Ku Sarawak Energy ba dalam siti penerang madah, bungkur domestik Sarawak naka ke diatu iya nya 98 peratus bekal karan penuh ba mengeri.

Taja pan pia, lima peratus kandang menua pesisir bedau bisi bekal karan ti ngujungka perintah Sarawak udah ngelancharka sekeda inisiatif dikena ngelengkaska pengawa nyendiaka bekak kuasa karan ungkup peranak ke diau di menua pesisir.

Pemujur inisiatif tu nguna kerejasama ti rat ari semua ejensi ke bisi mai penguntung ti mungkur pengempu ladang enggau pengawa dagang kayu ramu
Berindik ari nya, Menteri Utiliti Dato Sri Dr Stephen Rundi Utom ngansak semua ejensi ke bekaul ti nyerangkung pengempu ladang, serikat kayu sereta peranak di sesebengkah endur meri kerejasama ngagai opis menteri enggau Sarawak Energy.

Pekara tu, ku iya madah jalai ke pemadu engkeman seraya meri pemaik ngagai rayat Sarawak tebal agi ba pekara akses tanah.

“Pekara tu dipejalai ngambika Sarawak ulih nyapai tagit nyendiaka bekal kuasa karan ti penuh di serata kandang menua pesisir manggai taun 2025 tauka lebih tumu agi.

“Taja pia, pengawa nyendiaka bekal karan 95 peratus ari menua pesisir di Sarawak enda mudah dipejalaika tang opis menteri enggau Sarawak Energy pechaya ulih nyapai tagit nyendiaka bungkur kuasa karan di kandang menua pesisir ba taun 2025 tauka tumu agi nengah kerejasama rat ari semua ejensi ke bekaul.” ku iya madah lebuh nerangka senentang pekara nya.

Tags: #ib

TVS provides up-to-date news, captivating dramas, and diverse program which are disseminated via channel 122 MYTV, UnifiTV and ASTRO. Stream live via MYTV Mana-Mana, UnifiTV and ASTRO GO apps now.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment