DEBAK, 25 Mac: Mensia mayuh lebih agi raban Islam di nengeri tu ditangkan seruran ngemeratka pengelikun diri enggau reta tengkira lebih agi beserimbai enggau pengerami Hari Raya Aidilfitri.
Sapit Menteri Indu, Anak Mit enggau Pengelantang Komuniti Sarawak Datuk Mohd Razi Sitam madah, pekara bekaul enggau pengelikun diri sereta reta tengkira endang patut dikemerat genap orang ngambika penusah sekalinya ba jalai raya tauka angus rumah rumah ulih diseliah maya musin pegerami.
“Aku ngelalau semua lebih raban ke diau ba genturug pendiau beserimbai enggau musin pengerami Hari Raya Aidilfitri, anang enda ngemeratka pengelikun rumah diri.
“Apin lama kitai meda sekeda penusah angus nyadi dalam bulan pasa tu laban kitai dipadahka maya bulan pasa mayuh orang begagaka kuih enggau bukai.
“Nyadi bejimat mih, jaga pengelikun diri, reta tengkira lebih agi rumah kitai,” ku iya rambau dirandau media pengudah pengawa bebuka pasa ba Masjid Kampung Serabang, apin lama.
Dulu ari nya, Razi bisi nyuaka bantu barang pemakai ngagai raban asnaf ba masjid nya.
Bantu barang pemakai nya datai ari pemeri Kelab Lumba Rekreasi Laserlight Debak (KSRLL) ebggau Kelab Nembiak Pasar Debak (KBPD).-TVS