SRI AMAN, 6 Mei: Siku lelaki peranak menua Indonesia bakal bekau ari penusah aksiden kediri semak Simpang Batu Lintang, Jalai Betong-Sri Aman, Lemai Hari Minggu.
Tuai Balai Bomba enggau Penyah Penusah Sri Aman, Penulung Penguasa Bomba Sri Aman (PPgB) Andrew Vengitasamy madah, tujuh kaban bomba udah diasuh ngesah penusah nya pengudah nerima kangau tasah urung pukul 6.32 lemai.
“Diuluka Komander Operasyen Pegawai Kanan II Mohd Fadhli bin Buyong disempulang enam iku kaban (Bomba) ngesah palan penusah tu.
“Seninjik datai sida meda penusah aksiden kediri nya ngaul sebuah kerita Toyota Avanza enggau siku lelaki peranak Indonesia beumur 45 taun, tudah ke bebadi mujur mansutka diri empu lalu diperubat raban KKM ba palan penusah nyadi,” ku iya.
Iya mansutka penerang nya maya dirandau TVS, Hari Minggu.
Sebedau nya, sebuah kerita Toyota Avanza tepawah lalu tama parit ke semak Simpang Batu Lintang Jalai Betong-Sri Aman.
Bekau ari penusah nya, tudah ke aksiden dipadahka patah tulang rusuk sepiak kiba.
Tudah udah dibai ngagai Wad Sepital Sri Aman ngambika terus diperubat.-TVS