KUCHING, 6 Mei: ‘Neu Pendington’ iya nya projek pemansang diempu sama UDA Holding Berhad (UDA) enggau Ejensi Pemansang Ekonomi Sarawak (SEDC) deka nyendiaka pendiau rumah baru ti lantang ungkup komunti.
Presiden ke mega Tuai Pegawai Eksekutif UDA, Datuk Sr Mohd. Salem Kailany madahka, projek Neu Pendington ti bepalan ba Pending ditu udah nerima pemendar pelin begunan bagi apartment servis Tower A (Fasa 1A) enggau unit endur bejual (Fasa 1B) ari Kaunsil Mengeri Kuching Selatan (MBKS).
Pengawa ngelancharka pengawa nyual rumah ungkup Neu Pendington deka berengkah ba suku ketiga 2024.
Ku iya, bisi 347 unit apartment servis Tower A (Fasa 1A) sereta 247 unit apartment servis Tower B (Fasa 3A) disediaka senutuk enggau konsep penjanamaan UDA; IFE iya nya ‘Legacy’(Legasyen), ‘Integrated’(Integrasi) ), ‘Finesse’ (Penyilik) enggau ‘Enrich’ (Ngenegap).
“Diatu, UDA dalam proses ngulihka pemendar ungkup Lisin Permit Iklan Pemansang (APDL) nengah Opis Menteri Pengerai Mensia Mayuh, Pengawa Berumah enggau Perintah Lokal Sarawak enggau disadang deka bulih pemendar dalam kandang bulan Julan taun tu.
“Renggat kepenudi iya nya pemansang sebuah hotel 12 ringkat (Fasa 3B) ti nembuka semua pemansang Neu Pendington nya,” ku iya rambau Pengerami Rumah Tebuka UDA 2024;Pesona Aidilfitri @UDA Land (Sarawak) Sdn BHD tengahari tadi.
Tandu iya, nyadi sebuah ari ejensi ba baruh KUSKOP, UDA komited ngesan tanggung pengawa enggau opis menteri ke bekaul dalam negapka raban orang dagang sereta nyadika Malaysia sebuah menua dagang ti tebilang.
Kelimpah ari nya, UDA mega deka beratika prospektif pemansang di nengeri tu sereta peluang kolaborasyen strategik di Bintulu sereta Kota Samarahan dikena ngerembaika agi pemansang di Sarawak.
Sama bisi datai Menijar Besai SEDC Datu Haji Abdul Hadi Abdul Kadir, Tuai Pegawai Operasyen Pemansang Reta Tanah Gerup UDA Noor Azmi Salleh enggau ke bukai.-TVS
