MUKAH, 25 Mei: Pelilih Dalat ditu deka disambungka enggau Sibu, ku Datuk Patinggi Tan Sri Abang Johari Tun Openg.
Premier Sarawak madha, pejalai ari Dalat ke Sibu semina ngambi awak pengelama sejam aja dibanding enggau sebedau tu pengelama 2 jam 30 minit.
“Kitai deka besambungka Dalat nengah siti jalai baru ti deka rembus ba jalai Batang Igan, Bawang Assan ke Sibu iya nya sejam aja pejalai.
“Aku udah meri agih belanja dikena ngaga jalai dibaruh Opis Kereja (JKR), nyangka dalam tiga taun baru tembu tu nyengkaum bekal ai ari Kuala Rajang aku deka ngemendarka,” ku iya maya bejadika Kompleks Pengintu Pengelantang Dalat (KKD) ditu, sehari tu tadi.
Dalat iya nya sebuah pasar mit ke bepalan ba tisi Batang Oya, Sarawak.
Bepalan ba pegai menua Mukah, pasar tu diatu majak berubah ketegal empas pemansang ke bisi digaga ba sitak nya.
Antara nya baka BazarNita Fatima Dalat, Dalat Waterfront, enggau pemadu baru Hotel Butik Dalat deka berengkah digaga tengan taun 2025.-TVS
