DEBAK, 3 April: Opis Menteri Pemansang Indu, Ruang Bilik enggau Raban Bansa Malaysia (KPWKM) deka mansik baru tuju penumbuh Palan Akvititi Orang Tuai (PAWE) di menua tu.
Menteri KPWKM Dato Sri Nancy Shukri tuju pansik baru nya dikena nentuka batang tuju penumbuh PAWE mengkang nemban senutuk enggau penyadi kemaya hari tu.
“Aku ngasaika tu ukai ungkup raban ke dibaruh PAWE aja tang tu ungkup semua enda ngira status sosio ekonomi sida.
“Mayuh sida deka numbuhka siti palan endur gempuru enda ngira di Putra Jaya mega bisi ex KSU.
“Aku pechaya KSU nya ukai orang sengapa lalu mayuh endur di Melaka ke dilawa aku pan sama nyadi aku ngasai siti ari tuju tu.
“Aku deka mansik iya baru awakka nya diubah laban enda engkeman enggau penyadi ke diatu,” ku iya.
Nancy madah munyi nya pengudah bejadika Palan Aktiviti Orang Tuai (PAWE) Debak di Diwan Milinea pagi tadi.
Ku iya, diatu penyereta bala kaban PAWE ukai semina raban B40 aja tang mega raban orang pemisi mega bisi nyadi kaban baka ke nyadi ba Putra Jaya enggau Melaka.-TVS
