BETONG, 9 Mei: Palan Penyulut Teknologi Sarawak (CENTEXS) chukup begunaka buah penemu ke bebatang meri asil ngagai guna teknologi ari mensia mayuh nengah program-program ke diatur udah tu ila.
Pegawai Penyambung CENTEXS Betong Dr Nor Shikin Abdul Rahman madah, raban CENTEXS seruran sedia mendiangka buah penemu lebih agi mensia mayuh ke diau besemak ungkup pemaik semua.
“Aku ngarapka malam tu (kemari) kitai ukai semina beperindang aja tang raban CENTEXS deka meda kitai ulih berandau ke pemaik CENTEXS.
“Ambika chunto mayuh program ke diatur endang ngemeratka pengelantang enggau pengawa nguna teknologi nyadi kitai ngelaluka buah penemu ari komuniti,” ku iya.
Iya mansutka jaku nya maya bejaku ngarika Tuai Pegawai Eksekutif CENTEXS Dato Syeed Mohd Hussien Wan Abdul Rahman ba Pengerami Serumpu Aidilfitri enggau Mantar Gawai Dayak CENTEXS Betong 2024 ditu kemari.
Ngelansa pasal pengerami nya, iya mega nyadi pemungkal chukup beguna ngagai raban CENTEXS Betong ngedut kaul, semangat baka diri sebilik enggau narak penyerakup dalam bejalaika pengawa dibaruh siku tuai.
Tandu iya, pekara nya chukup beguna dikena nentuka pengelantang dalam sesebengkah ejenis dikena napi pemar dalam bejalaika pengawa ninting hari.
Sama bisi ngulu pengerami nya Menijar Besai CENTEXS Pampang Betong Andrew Emparan sereta bala tuai raban bansa ke diau besemak.-TVS
